Ladakh, 20 January : Khelo India Winter Games laga sixth edition Ladakh laga Leh shahar te shuru hoise.
Ladakh laga Lieutenant Governor Kavinder Gupta itu event ke inaugurate korise. 21 State aru Union Territory laga players Ice Sporting Events – Hockey aru Skating te compete koribo.
Akashvani correspondent koi thakishey ki Sixth Khelo India Winter Games 2026 laga Opening Ceremony aji Leh laga NDS Stadium te inaugurate kora hoise. Itu games January 20 pora January 26 loi cholibo, jate alag-alag winter sports disciplines thakibo aru bhal number te desh laga alag State aru Union Territory pora athletes ahibo.
Inaugural ceremony time te local cultural troupes ice rink te performance dise, Ladakh laga diverse culture aru heritage showcase kori. Itu edition pora Olympic sport Figure Skating ke bhi introduce kora hoise, existing speed skating aru short track skating laga logote.
National-level Khelo India Winter Games, Khelo India Scheme laga under te 2020 pora organise kori ahise, aru Ladakh itu game constitute hoa pichete, sob saal host kori ahise.
Ice Hockey events NDS Ice Hockey Stadium aru Phyang te Ladakh Scout Regimental Centre laga Ice Hockey Rink te hobo. Ice Skating events nimite Guphuk Frozen Pond ke select kora hoise.
Administration laga officials inform korise ki accommodation, transportation, medical facilities aru sporting venues sob necessary arrangements tayari kori rakha hoise, games smooth aru successful bhabe conduct koribo nimite. Participants laga safety, security aru comfort nimite bhi adequate measures loise.
Add Comment