Electric Pole Bhangi Kena Girishey, Nagaland Laga Zoological Park Osor Tey; Itu Hoa Para Traffic & Local Access Ke Disturb Kurishey

January 25, 2026: Chumoukedima tey, Electric Pole bhangi kena girishey, Nagaland Zoological Park osor tey. Itu 25^th Jan tey electric pole gira para, manu laga safety nimitey chinta hoi jai kena asey. Itu pole toh gira para ek-phaney gari khan manu khan aha jawa kuria ke restrict kuri di kena asey aru khali ekta phaney para hey jawa aha kuriboley laga banai dishey opai nathaki kena. Sawa hisap tey, itu pole toh hoiley bishi para mamor khai kena asey koishey. Aha jawa kuria manu khan para power department ke itu giri kena thaka electric pole toh juldi para hatai diboley urge kuri asey.