Beijing, January 29, 2026: China para 11 manu ke morai de she, kun Myanmar criminal gang khan logo te link thake she, etu morai de khan laga betor te key members khan thake she, kun telecom scam khan laga operation khan cho lai tha ke she. Etu scammer khan internet para manu khan ke nakli laga romantic relation te phasai kena, tai khan ke cryptocurrency khan te invest kure bole dea. Enia scam beshe hoi she Southeast Asian te, Myanmar te be.
First te tph etu scammer manu khan Chinese khota kruea khan ke scam kure tha ke she, hoi le be tai khan olop piche te expand kure de she dunia laga alak alak jaga thakea manu khan ke scam kure bole. Etu manu kumba toh tai khan laga marzi para scam kurea, hoi le be kumba khan ke toh jobor jos etu scam khan te kam kure bole dea koi she. Etu 11 manu toh September phane morai dea laga saza de she, Eastern Chinese City of Wenzhou laga ekta court para.
Etu sentence toh Supreme People’s Court para approve kure she, Beijing te. Etu saza pa manu khan laga betor te “Ming family criminal group” laga member khan be ase koi she. Etu group karne 14 Chinese manu mure she, aro beshe manu jokhom pai she koi she.
Add Comment