SHILLONG/NEW DELHI, February 12: Meghalaya chief minister Conrad Sangma pora Citizenship Amendment Bill logot loikena tai laga phaba koise ki north-eastern parties laga aalag political leaders khan logote mili kena tai toh Narendra Modi government laga fesla ki etu bill Rajya Sabha te aji diya ke khilaf ase.
Khobor manu khan logote New Delhi te kotha korikena, Meghalaya chief minister pora koise, “Kisim laga manu khan pura mili kena etu bill ke khilaf kori ase aro moi khan etiya tak aalag political parties khan ke etu bill logote khilaf vote koribole kotha kori ase. Moi khab laga kotha te khara thakibo. Moi khan etu bill ke pass koribole nadibo… Etu bill ke pass nakoridibo nimite moi khan larai koribo.”
Politics pora etu fesla ke kenika affect korise koikena sawal koriya ke, Sangma pora jawab korise, “Moi laga phabana te, yate ekko politics nai. Moi khan sob yate North-east laga citizen karne ase. Juti political parties nahoile NGOs nahoile students hobi, moi khan sob etu mamla te ekki logote khara kori ase kile koile etu pora moi khan sob ekjun-ekjun ke affect koribo.”
Sangma pora tai pora pohoila kowa kotha ki tai laga party toh NDA charibo juti Bill Rajya Sabha te dile, ke tai pora koise ki “Juti etu hoile, moi khan hosa bi NDA logote rista rakhiya ke phabana kori sabo hoilebi etiya moi khan toh etu Bill ke pass nakoridibo karne aalag political parties logote kotha kori ase.”
Add Comment