Vonn gere jai she Olympic downhill re, ACL jokhom pa piche

February 8, 2026: America laga skeir Lindsey Vonn crash hoi jai she maiki khan laga downhill competition para, Winter Olympics te, tai 9 din ahge te tai laga knee te jokhom pai kena thake she koi she. Vonn toh 41 sal ase, tai duata training runs toh thik para kure bole pare she, Olimpia delle Tofane cource te, hoile be ekta run kurea homoi gere jai she. Tai ke beshe dere kane tateh para he sai thake medical khan para, hoile be piche te helicopter ahne kena tai ke loi jai she. Tai ja world cup kunto Switzerland te thake she, tai tateh ACL laga jokhom pai she, tai dangor ekta risk loi she Sunday te khele kena. Hoile be tai beshe mun dangor thake she, tai koi she ki etu tai laga last olympic hobole ase. Tateh sa manu khan tai karne clap khan mare thake she, helicopter tai ke lo ja homoi. Tai etu jaga te 12 World Cup jete kena ase, aro tai sob melai she koile toh, tai 84 World Cup jete kena ase. Etu Sunday te jokhom pa toh, tai laga career Olympic te khelea toh khotom hobole beshe chance ase. Vonn toh hosa toh 2019 te retire hoi she koine announce kure she tai laga thang te jokhom pa piche, hoile be tai 2024 te wapas ahe jai she khele bole. Tai 2025-26 season te dua bar jete kena ase, aro pas bar podium punche bole pare she.