February 08, 2026,: Ladakh & Kerala para 7th February 2026 tey, 44 delegate khan tatey student khan aru teacher-in-charge logotey Nagaland University, Medziphema Campus laga faculty member khan logotey, itu veteran Nagaland statesman- Dr. A.C. Jamir logotey interact kuriboley opportunity paishey. Tai Padma Bhusan ekla nahoi kena, tai toh Nagaland Chief Minister bhi thaki kena ahi asey char bar wala aru tai toh hoiley Maharashtra, Gujarat, Goa aru Orissa laga Governor hisap bhi serve kurishey. Itu interaction toh hoiley, Ashtalakshmi Darshan Youth Exchange Programme laga part thakishey, ekta initiative itu Ministry of Development of North Eastern Region (MDoNER) aru North Eastern Council (NEC), Shillong laga, kuntu toh hoiley “Ek Bharat ShreshthaBharat” promote kuriboley aim kurey, national integration, cultural understanding aru mutual respect foster kuri kena. Itu program toh hoiley pura puri DoNER aru NEC para sponsor kuria laga asey. Nagaland University, Medziphema Campus toh hoiley itu visit kuria team khan ke host kuri kena, 1 -14 February 2026 tak tey. Itu visit kuria delegate khan para pertinent question khan raise kurishey, leadership laga aru lesson khan kuntu toh tai khan shikhibo paribo, itu statesmanship aru leadership laga Doyen para, alag question khan bhitor tey, kuntu tey tai para koishey ki, first quality toh honesty, vision aru mission thakiboley lagey koi kena janaishey. Dr. Jamir para itu student khan ke remind kurishey, ki, tai khan toh hoiley tai khan laga state khan laga ambassador khan asey koi kena, aru koishey ki, tai khan laga state laga future toh tai khan laga haath tey hey asey koi kena.
Press Release: Ladakh & Kerala Delegate Khan, Dr. A.C. Jamir Logotey Interact Kurishey
Add Comment