February 09, 2026: Ekta teen din laga training programme organize kurishey, teacher khan nimitey, Music Education opor tey, Samagra Shiksha under tey, Yamaha Music India logotey collaborate kuri kena, School Education laga Directorate, Kohima laga Morung Hall tey para, 09th February, 2026 tey.
Director, School Education, Razouseyi Vese para tai laga address tey, highlight kurishey ki, itu first partnership mark kurey, Japan logotey. Tai para strong historical bond yaad kurishey, itu duita side khan majetey, World War II tey laga homoi pichey para, kitya bosti khan warm para Japanese troop khan ke ekta friend khan hisap welcome kurishey. Tai para koishey itu friendship toh hoiley itya music education para majbut kuri asey.
Vese para teacher khan ke urge kurishey, itu opportunity laga pura laap uthaboley aru bacha khan ke government job khan tey para bhi alag bishi kaam opai thaka laga guide kuriboley. Tai para emphasize kurishey ki, music toh hoiley aru bhi bhal opportunity khan khulaboley paribo aru aru-bhi bright future khan banaboley paribo, student khan nimitey. Itu department para bhi full support assure kurishey, eke logotey kaam kuri kena, itu bacha khan laga development nimitey, music education tey.
Yamaha Music India laga behalf tey kotha kuri kena, Yamaha Music India laga Sales Unit Head- Ryoji Maruyama para share kurishey ki, Yamaha Music India toh hoiley 2008 tey establish hoa laga thakishey, itu manu khan laga bhal ke contribute kuriboley laga vision bukhi kena, music para aru quality music education provide kuri kena, India bhitor tey.
Add Comment