February 11, 2026: Itu U-13 ASMITA Football League 2025–26 (Major League – East Zone) laga Closing Ceremony loishey 10th February, 2026 tey, itu Chümoukedima Football Stadium tey, itu grassroot football tournament toh successful para complete kuri kena, itu ASMITA aru Khelo India initative khan under tey.
Itu ceremony toh hoiley, Nagaland laga Youth Resources & Sports Government laga Secretary – Anthony Ngullie, IAS para grace kuria laga thakishey, tai para itu event tey Special Guest hisap buhishey. Itu event tey kotha kuri kena, Anthony para ASMITA laga initiative khan laga importance highlight kurishey, Khelo India under tey, kuntu toh jawan athlete khan ke empower kurey, especially chukri khan ke, structured competitive platform khan para. Tai para itu participant khan ke sports toh discipline, dedication aru confidence para pursue kuriboley encourage kurishey aru tai para itu State Government laga commitment reaffirm kurishey, grassroot sports development majbut kuriboley laga.
Itu even tey, Kick-off Match No. 10 bhi feature kurishey aru ekta Prize distribute kuria Ceremony logotey khotom kurishey, kotey duita qualified team khan, Major League – East Zone, Assam aru Mizoram para thakishey.
Itu programme toh hoiley Nagaland Football Association (NFA) laga Joint Secretary – Imlisunep para chair kuria laga thakishey aru Awa Lorin, Youth Pastor, Rengma Baptist Church, Sovima para invocation deliver kurishey. Chemkula Khiungra para ekta special ganna present kurishey, kuntu pichetey, Mevisanger Lemtur, Vice President, NFA para ekta vote of thanks deliver kurishey.
Add Comment