Bombay, 13 February : Singer- filmmaker Palash Muchhal aru actor-producer Vidnyan Mane majot ekta legal jhamela cholai ase, juntu Vidnyan Mane pora Palash upor te cheat kora kuina allegation diya pora suru hoise. Vidnyan Palash aru cricketer Smriti Mandhana laga cancel huwa biya kotha loina bi statement dise, juntu karone Palash taikhan uporte defamation case file kori dise. Etiya, itu mamla Bombay High Court pora Palash ke interim relief dise.
Latest development hisab te, Bombay High Court defamation case te Vidnyan Mane uporte ekta order dise, kuina Palash laga lawyer Shreyansh R Mithare confirm kori ase. Court Vidnyan ke Palash laga kunuba statement dibo nidiya order dise, karon itu Palash laga reputation ke nuksan koribo pare. Palash laga lawyer hisab te, itu case te ekta positive step ase, aru next hearing March 11 tarikh fix hoise.
Vidnyan Mane allegation dise ki Palash taikhan ke ₹40 lakh cheat kori ase, aru Smriti Mandhana ke Palash unfaithful ase kuina bi accuse kori ase. News agency PTI hisab te report ahise ki Mane Maharashtra laga Sangli district te police ke approach kori Palash uporte cheating allegation dise. Complaint hisab te, December 2023 te duijon loga meeting hoise, jitia Vidnyan Palash laga film Nazaria co-produce koribo interest dikhai dise. March 2025, Vidnyan Palash ke film karone ₹40 lakh dise kuina allegation ase, kintu film complete nohoi thaka karone jitia taikhan poisa wapas mangise, Palash pora eku response dianai.
Vidnyan itu bi claim kori ase ki Palash Smriti Mandhana ke biya laga time te cheat kori thakise, aru itu karone Indian women cricketers pora taikhan ke mar khaboi dise kuina allegation dise. Itu sob claim pora Palash Instagram te post kori announce korise ki taikhan legal rasta loi ase. Taikhan Vidnyan uporte ₹10 crore defamation case file kori dise aru legal notice pathaise, juntu te koi dise ki “taikhan laga reputation aru character ke badnaam koribo laga aarop false, outrageous aru besi hi defamatory accusation diya hoise.”
Add Comment