Maova Land Dispute: GB & Chairman Toh Hoiley Full Responsibility Loboley Lagey Itu Ghatna Hoa Opor Tey, CPO Para Koishey

February 13, 2026: Chumoukedima tey, Chakroma Public Organization para Press Conference loishey, Maova Village ghatna laga regard tey.

Chairman para mati tey construction shuru kurishey, already alag manu para kini loishey koi kena: CPO para koishey.

CPO para letter issue kurishey, Maova village GB & Chairman ke, December 2, 2025 tey, itu mati khali kuriboley karney; Deadline toh hoiley December 25^th tak diya laga thakishey.

“Maova Village GB & Chairman para CPO laga letter laga jawab nadi kena thakishey”.

CPO laga member khan, GB & Chairman ke lok kuriboley jaishey, dialogue nimitey, February 13 tey; itu situation toh violence tey budli hoi jaishey, kotha namila hoi jawa para.

“24 CPO member khan jokhom hoishey aru teenta car khan damage hoishey”.

Maova Village  GB & Chairman para full responsibility loboley lagey, itu ghatna laga, CPO para koishey.

Aru bhi aha homoi laga action toh initiate kuriboley asey, Maova Village against tey, thorough deliberation pichetey, CPO para koishey.