February 17, 2026: Police khan para 51 Kuki student ke Jwahar Navodaya Vidyalaya (JNV) Ramva, Manipur laga Ukhrul district para olai de she, Tangkhul Naga aro Kuki manu khan laga betor te jamala ola piche.
Litan Sareikhong jaga te, jamala ola te 30 ghor jolai de she. Authorities khan para koi she ki, student khan ke olai bole lage she, enia mamla ola karne, tai khan laga safety aro security karne. Police laga statement te koi she ki, Ukhrul district police khan para 51 Kuki student ke, kun Ukrul te purea ase, tai khan ke Saikul police station laga hath te de deshe, tai khan ke Kangpokpi district te loi jabole karne.
31 mota aro 20 maiki ke Kangpokpi district loi jai she, etu district te toh Kuki manu he borta ase, tai khan ke secuirty escort de she. Tai khan ke loi ja homoi, manu kumba ba toh tai khan bea manu ase babe she, kunto olop tension othai de she. Police khan koi she local civil society organisations khan para mamla toh thanda kure de she.
Authorities khan para manu khan ke mesa khota khan spread nakure be koi she, etia ja jamala laga opor te.
Add Comment