Guwahati, February 17, 2026: February 15 te, Police khab para ekta 56 sal mota ke dure she, six sal maiki bacha laga opor te bea hakat kurea karne, Assam laga Gossaigaon te.
Police khan laga report hesab te, Utu mota laga nam toh Samsul Haque ase koi she, tai utu chutu maiki ke pholai kena tai laga ghor te ahne she koi she 10 am phane. Tai laga ghor te para, bacha laga opor te bea kam kure she koi she. Bosti manu khan etu khobor janea piche shock hoi she, aro beshe manu toh gosa hoi jai she.
Local manu khan Haque laga ghor bahar te ahea shuru hoi she, aro tai laga ghor be bea kure de she, aro justice demand kure thake she. Police khan ahe kena mamla toh olop thanda kure bole pare she. Police khan ahe kena Haque ke loi jai she etu piche.
Bacha maiki toh etia medical treatment lo ase koi she, aro police khan formal investigation shuru kure de she, BNS aro POCSO act laga betor te para.
Add Comment