Manipur: Security Forces khan PLA member ke durishe. Banduk aru bomb bi paishe

Imphal, February 18, 2026: February 17, 2026 din te. Security Forces khan Manipur te operation kurishe koishe. Aru yete taikhan para duita PLA Members ke arrest kurishe koishe. Aru Banduk aru Bomb khan bi paishe koishe. Etu toh Imphal East aru Impal West Districts te ase.
Officials khan laga khobor hisab te. PLA laga member toh Tamanao (42) ase koishe. Tai toh Imphal East District laga Chana Mayai Leikai te thakhea manu ase koishe. Aru taike Sawombung para durishe. Eki din te alak operation bi kurishe. Yete Security Forces khan para PLA laga Lieutenant ke durishe. Tai toh Ningthoujam Ibungocha (38) ase koishe. Tai toh Imphal East District laga Yaingangpokpi Bazar para durishe koishe. Tai toh manu khan ke damki dikina poisa mangi thakhishe. Yete tai laga haat para phone aru SIM card bi paishe.
Security Forces khan para banduk aru bomb paishe koishe. Etu toh Imphal West District laga Ngairangbam Tanoukhul Rasta, longa Koireng para paishe. Etu saman khan to Ekta Double-Barrel Banduk, Ekta Pistol aru Magazine, alak alak guli laga 181 nishina paishe. 3da Magazine, No.36 laga Hand Grenade duita, Ekta Detonator, Ekta Boafeng wireless handset aru charger paishe koishe. Security Forces khan para Duita Hill aru Valley Districts khan te, Bisarea laga operation khan kurishe koishe. Aru yete 103 Nakas aru Checkpoints khan bi dali dishe koishe State pura te.