Kohima, February 23, 2026: Nagaland Education Project- The Lighthouse (NECTAR) para “One Day Training and Orientation on Environment and Social Standards (ESS)” organize kure she, sixteen Lighthouse School Complexes (LSCs) laga contactors khan karne. Programme toh Directorate of School Education (DoSE), Kohima te thake she, February 20, 2026 laga din te.
Shashank Pratap Singh (IAS) para Welcome note de she, tai LSCs laga importance opor te koi she, aro World Bank be NECTAR project support kurea ase. Tai aro koi she ki LSC contactors khan toh merit hesab te he select kure she, fair process para. Etu karne sob contractors khan ke bhal quality kam kure be aro thik time te koi she. Aro Environmental and Social Standards (ESS) hesab te para kam kure bole lagea.
Dr. Kekhrielhoulie Yhome, Advisor of School Education & SCERT, para koi she ki, Nagaland laga bosti khan laga school khan toh beshe bea tarika te ase, aro LSCs bana bole khomtom kure bole pare nai koile toh beshe bea hobo. Taia aro koi she ki LSC contractors khan dangor ekta role lo ase, tai khan kina kam kurea, etu Nagaland laga aha projects khan lobole pare bo na nai, tai khan laga opor te ase koi she.
Add Comment