Dimapur, February 23, 2026: Minister of State (MoS) for Consumers Affair, Food and Public transportation Distribution, Government of India, Nimuben Jayantibhai Bambhaniya para ekta review meeting loi she, Dimapur district laga alak alak department khan logo te, Police Complex, Rhosdoram Hall, Chumoukedima te, 21 February 2026 te.
Tai departments khan logo te khota kurea homoi, tai koi she ki, State toh beshe potential ase, ekta role model hobole le development te, sob department khan mele kena kam kure bole pare she koile toh mun de kena. Dua din karne district laga alak alak jaga khan te bara piche, Minister para koi she ki, Narendra Modi laga leadership betor te para, special focus dea ase North-East region laga development opor te.
Bambhaniya district te ahea homoi, tai health centre, Anganwadi school, Jal Jeevan Mission initiatives khan te sabole jai she, aro self help group aro maiki beneficiaries khan logo te khota krue she. Tai bosti khan laga chairman aro councillors logo te meeting thake she. Minister para aro koi she ki Nagaland laga sunder aro cultural heritage, aro Hornbill Festival khan beshe chance dea ase tourism te para economic otha bole.
District administration, senior district officials Dimapur para, aro alak departments khan ahe she meeting te, tai khan power point presentation para de khai she, tai khan kute duk pa ase aro tai khan ki kure bole pare she.
Add Comment