Kohima, February 23, 2026: 40 Hours Mediation training programme kunto Nagaland State Legal Service Authority (NALSA) para organize kure she, Mediation & Concilation Project Committee (MVPC) laga agis betor te. Programme toh Hotel Japfu, Kohima te thake she, February 21 2026 laga din te.
Mezivolu T Therieh, NJS, Principal District & Sessions Judge Kohima & Former Registrar, Supreme Court of India, tai laga inaugral address te koi she ki, country te mediation toh ongoing movement ase, aro trainers khan beshe lagea ase India te. Tai aro Chief Justice of India, Justice Surya Kant ke be appreciate kure she, ‘Mediation for the Nation 2.0’ launch kurea karne, mediation promote kure bole karne.
Tai aro koi she ki, Nagaland te community mediation laga ase aji laga time te, poila para he Nagaland te community mediation thake she, hoile be customary judges khan ke train kure kena, jamala khan organise manner para mana bole pare bo.
Programme toh Kekhrienguno Catherine, Pnel Lwayer, Kohima DLSA para chair kure she. Mediation training te 26 counsels ase koi she. Training karne resource manu khan toh Reema Bhandari, Senior Trainer, MCPC aro Rita Das Mozumdar, Senior Trainer, MCPC ase.
Add Comment