February 24, 2026: Utu Ekta bishi deadly plane crash tey saata manu khan muria tey, ekta doctor bhi ekta thakishey tai khan bhitor tey, Jharkhand laga Chatra district tey, Monday raati tey. Itu charter plane toh hoiley, ekta air ambulance thakishey, kuntu toh hoiley ekta patient bukhi kena jai thakishey, 41 saal laga Sanjay Kumar aru ekta doctor Vikas Kumar Gupta koi kena, kuntu toh hoiley, utu accompany kuri thakishey, itu flight tey bahar country tey.
Itu Ranchi laga Birsa Munda Airport para para takeoff kuria pichetey hey, itu Beechcraft C90 air ambulance kuntu toh hoiley Delhi tey agey barai kena jai thakishey, utu toh communication aru RADAR contact hai jai kena thakishey, Kolkata logotey, itu Directorate of Civil Aviation (DGCA) para press release kuria pichetey.
Sob saatta manu khan itu plance tey muri jawa laga thakishey, itu doctor bhi tai khan majetey ekta thakishey. Tai laga mon dukh thaka baba para itu media ke kotha kurishey, tai laga bacha chukra muria laga ghatna tey mon dukh thaki kena. Tai para koi thakishey, “Moi laga bacha chukra toh hoiley ekta doctor thakishey. Tai para moi ke koi thakishey, tai toh hoiley tai laga patient logotey jai thakishey, hoilebi pichetey moi janibo parishey itu aircraft toh hoiley brash hoi jaishey aru moi laga chukra toh nathaka hoi jaishey. Moi moi-laga farmland bikai dishey, tai ke educate kuriboley karney,” Vikas Kumar Gupta laga baba para koi thakishey, news agency PTI ke.
Add Comment