Florida, 24 February : Sebastian Korda Delray Beach Open jitina, Career laga third ATP title loise.
Sebastian Korda nijor career laga tisra ATP Tour title jitise, Delray Beach Open final te fellow American Tommy Paul ke straight set te haraikena. Korda final te composed aru confident performance dikhaise, match 6-4, 6-3 score te complete korise.
2021 te same tournament te runner-up hoi thaka pichete, etiya Korda ghuri ahi trophy uthai loise. Itu jit logot, tai Delray Beach Open jitibo para ninth American man hoise. 25-year-old Korda laga itu victory tai ke ATP Live Rankings te No. 40 position te loi jai dise.
Duporiya gusty hawa thaka condition te khelibo hoile bi, Korda baseline pora aggressive aru controlled tennis khelise. Tai clean ball-striking pora rally khan control kori rakhe aru opening set te 5-4 te crucial break loi kene set jitise. First serve pichete tai bisi strong thakise, juntu te tai 83 percent point jitishe kuina ATP report kore.
Second set te olob tension ahise. Championship serve kori thaka somoy, Korda 0/40 piche pori jai, kintu tai har namani charta break point save kore. Finally, ek ghonta 22 minute pora piche, tai match close kori kene title secure korise.
Add Comment