U-23 Intra District Football Tournament Loboley Asey, Zunheboto District Tey

March 02, 2026, 10:06 PM: Itu Zunheboto laga Deputy Commissioner laga office para ekta notification issue kurishey, inform kuri kena ki, itu District Planning & Development Board (DPDB), Zunheboto toh hoiley ekta Intra-District U-23 Football Tournament organize kuriboley asey, Public Ground, Zunheboto tey para, 10th March para 14th March, 2026 tak tey.
Itu tournament toh hoiley sportsmanship promote kuriboley aim kurey aru talent thaka player khan ke identify kuriboley aim kurey, higher-level competition khan nimitey. Itu organize kuria committee toh hoiley itu di kena thaka guideline khan outline kurishey:
Sob 7 constituency khan, Zunheboto district under tey, sob khan ekta team toh filed kuriboley lagibo, 18 player khan aru duita official khan thaki kena.
Sob 7 team khan toh hoiley participate kuriboley mandatory asey. Itu state-level tournament nimitey district team toh hoiley, itu tournament tey perform kuria opor tey select kuriboley asey. Sob team toh hoiley ₹50,000/- tyaari kuriboley karney grant receive kuriboley asey.
Prize Structure:- Winner: ₹75,000 paboley asey, certificate khan aru ekta trophy logotey, Runner-up toh ₹50,000, certificate logotey pabo, aru ekta shield pabo, Duita semi-finalist khan bhi ₹25,000 pabo ceritificate logoey, teenta hara team khan ₹10000/- kuri kena pabo, certificate logotey.
Accommodation arrangement toh hoiley, itu respective team khan para manage kuriboley asey, tai khan nijey laga convenience tey.
Deputy Commissioner, Dharam Raj (IAS) para sob concerned authority khan aru sports association khan ke urge kurishey, full participation ensure kuriboley karney.