KOLKATA: Monday din te Calcutta High Court para 42 saal maiki ke tai laga 29 hafta pregnancy toh khotom kuribole koishe. Kile koile tai laga foetus toh Down Syndrome nimite duk pai thakishe.
Division bench head kuri kena Acting Chief Justice B Somadder koishe state toh poisa aro dawai (medical) assistance de kena maiki laga problem toh aro uthai debole aha nohoi. Tai koishe junom nohuwa bacha logote ama bhi dignity para jeevan thakibole adikar (right) ase.
West Bengal government laga constitute huwa medical board report te koishe foetus toh down syndrome nimite duk pai ase. Aro etu toh deformities para affect hubole genika ase. Deformity toh oesophagus, heart aro abdomen te hubole genika ase.
Government-appointed panel report te koishe bacha toh judi jonom hoile toh lamba samay nimite treatment kuribole lagibol aro specialized care bhi lagibo koishe. Hoile etu laga result toh kubole napare koishe. Maiki laga lawyers khan para court ke koishe.
Down Syndrome toh genetic disorder ase. Aro etu te junom huwa defects, intellectual disabilities aro characteristic facial features hubole chances ase.
Add Comment