March 11, 2026: Mahila Jan Sunwai (Public Hearing for Women) loishey, 11th March, 2026 tey, itu DC laga Conference Hall tey para, Chumoukedima tey. Itu programme toh hoiley, itu Nagaland State Commission for Women para organize kuria laga thakishey, itu District Administration, District Hub for Empowerment of Women (DHEW), aru Social Welfare, Nagaland laga Department logotey collaborate kuri kena.
Itu Mahila Jan Sunwai initiative toh hoiley grassroots access majbut kuriboley sai asey, justice aniboley, maiki khan dukh pai kena thaka ke modod kuri kena, rural aru remote area khan para.
Itu district-level hearing toh hoiley itu state-wide outreach initiative laga part thaki kena conduct kuria laga asey, March 9 para 13 tak nimitey, itu National Commission for Women laga guidance under tey.
Itu initiative toh hoiley maiki khan ke ekta direct aru accessible platform provide kurey, tai khan laga mon dukh laga awaaz toh uthaboley aru tai khan institution support bisariboley parey.
Itu toh hoiley maiki manu khan laga right khan, safety, aru welfare laga related issue khan address kuriboley aim kurey, aru itu logotey participant khan ke concern khan raise kuriboley aru modod bhi bisara laga opportunity provide kuri kena, concerned authority para.
Kekhrienuo Meyase, Member, NSCW para itu program chair kurishey, kitya tai para koishey ki, maiki manu khan toh hoiley itu legal provision khan toh bujiboley lagey, kuntu toh tai khan laga protection nimitey asey, tai para state kurishey ki, legal awareness toh hoiley bishi crucial asey, maiki manu nimitey, tai khan laga right khan safeguard kuriboley aru justice bisariboley.
Tai para alag alag kisim laga harassment khan face kuria laga highlight kurishey maiki khan para – domestic violence, verbal harassment, workplace harassment, cyber bullying atu economic neglect, khan nishina.
Meyase para aru bhi emphasize kurishey, mota manu khan maiki khan laga right khan aru itu legal consequence khan opor tey educate kuriboley lagi asey koi kena, violence aru harassment laga, tai para note kuri kena koishey ki, bishi manu khan, especially grassroot level tey, manu khan bishi bhak toh eneka nishina action khan opor tey najani kena thakey, itu khan toh law under tey punish bi hobo parey koi kena najani kena thakey.
Itu programme toh hoiley Ikali Wokhami, District Mission Coordinator of DHEW, Chumoukedima para chair kurishey aru Vera Sapu, Gender Specialist, DHEW, Chumoukedima para vote of thanks janaishey.
Itu programme tey alag speaker khan toh SAKHI laga Centre Adminsitrator – Renthunglo Kikon; District Legal Services Authority laga Retainer Lawyer – Sonile Seb; aru Women Police Station, Dimapur laga 2nd Officer-in-Charge – S.I. Tajungsangla, bhi thakishey.
Add Comment