KOLKATA: Kolkata te unidentified juwan chokora khan laga group para Kashmiri doctor ke abuse kurishe aro dhamki dishe. Kashmiri doctor toh city te jua 22 saal para thaki ase. Kashmiri doctor toh Bengali maiki logote shadhi hoishe. Aro duita juwan bacha ase. aro tai khan toh top city school te jai ase. Etu toh ghatna toh Kashmir manu khan opor te huwa latest ghatna ase. Kashmir manu khan khilaf te etu dhamki aro harassment khan hoi thaka toh etu February 14 te huwa Pulwama te huwa attanki hamla nimite ase.
Saturday saam para doctor laga ghor bahar te police khan ke post kuri kena rakhi ase. Doctor para local police station te khobor kurishe ke tai ke dui din te duibar dhamki dishe.
Friday te choita-saatha juwan mota khan para doctor ke local market te sabji kena samay te surround kuri kena tai ke abuse kurishe. Etu mota khan para tai ke “pakistaniu wapas jai jabi- tumi khan nimite India te jaga nai” chillaishe koishe.
Saturday din te etu eki group para fusur te walk kura samay te aro tai ke abuse kurishe koishe. Etu nimite doctor toh tai laga flat te wapas ghurai jaishe koishe aro gari toh jai jaishe.
Police para confirm kurishe ke doctor laga ghor bahar te protesters khan ase. Manu khan toh kun ase aro gari toh kun khan laga ase etu janibole investigation toh etiya chuli ase.
Doctor para suru te etu ghatna laga kotha toh tai laga maiki ke kuwa nai. Hoile bhi ketiya police khan doctor laga ghor te aha suru hoishe etu samay te he tai para tai laga maiki ke khobor kurishe. Doctor laga bacha toh duijon bhi dos (10) saal niche te ase. Aro tai khan duijon bhi city laga top school te he jai ase. Hoile bhi bacha khan laga ama baba toh chinta ase koishe.
Bishi manu khan etu ghatna laga khobor pai kena doctor para tai laga family ke modot aro saath dibole nimite agay ahishe.
Doctor NDTV ke koishe etu Kolkata toh ami jane. Moi etu city te 22 years para thaki kena ahi ase. Aro moi ketiya bhi yate thaka nimite insecure huwa nai. Aro moi hope kuri ase ke aha samay te bhi etu toh bodoli nohubo.
Add Comment