Nagaland, 12 March 2026L Mahila Jan Sunwai, ekta public hearing maiki karne doorstep te thaki shey 12 March 2026 te Town Hall, Peren te commemorate kuribo leh international womens day 2026, tadeh Members khan Nagaland State commission for women, Akokla Longchar resource person hoina. Public hearing programme toh organized kuri shey Nagaland State Commission for women pra collaboration te District administration, District Legal Services authority & Mission Shakti One Stop Centre (OSC) Peren lokot. Akokla Longchar pra womenfolk ke advised kuri shey taikhan la mindset change kuribo leh aro taikhan la wisdom chulabo leh benefit karne aro protection te maiki la welfare karne.
Tai pra koishey ki sop maiki toh right ase complaint lodge kuribo leh police station te ini ekjun toh forced kuri leh sexual karne nahoi leh harassment taikhan la against te. Sop maiki toh right ase legal action lubo leh kun la hoileh b against te kun assault nahoi leh koshis kureh outrage aro modesty kuribo leh, tai pra koishey. Tai pra aro koishey sop wife toh right ase legal action lubo leh taikhan la mota against te ini taikhan ke tortured kuri ase physically nahoi leh mentally. tai pra jama hwa maiki ke encouraged kuri shey taikhan la rights janibo leh aro voice uthabo leh legally. Tai public hearing opor te b presided kuri shey. Mission Shakti One Stop center aro District legal service authority, Peren, pra representatives khan b khota kuri shey aro taikhan la service facilities shared kuri shey general public ke Medical, Legal Aid, temporary shelter nishina.
Add Comment