AIZAWL, February 18: Myanmar Army aro Arakan Army laga majote larai howa bicche te southern Mizoram laga Lawngtlai district te Indo-Myanmar border te Indian Army laga aro tweita nisina companies bothaise.
Lawngtlai pora khobor enika dise ki Myanmar Army aro Rakhine-based bhitor group laga majote Mizoram logot osor Myanmar laga bithor te Chhimtuipui (Kaladan) nodi te etu mohoina aage te larai hoise.
Myanmar border te Lawngtlai district laga south-western part te sepahi khan toh bothaise, khobor pora koise. “Konoba sepahi khan Lawngtlai te aji punchise aro konoba sepahi khan toh etu jakka te rakhi kena ase,” khobor te koise.
Sepahi khan border te bithor manu khan India te khusibole pora rukhaibo aro refugees khan ke bi modot dibo.
Indian sepahi khan bera laga toh social media te jowa konoba habta te besi pheli ase aro besi manu khan ke mon jinta korise. Lawngtlai DC pora koise ki mon jinta koribole na laage, aro khobor korise ki refugees khan jowa saal pora hi border bar kori ase.
Etu saal January te, Myanmar pora tai khan laga sepahi ke jarta police stations te khatarnak hamla howa bicche te Rakhine rebels logote khilaf “operations launch” koribole koise.
November 2017 te, Myanmarese Army pora Arakan militants logote khilaf marikena shuru koriya bicchete Myanmar laga Rakhine State te Arakan area pora 1,750 nisina manu khan Mizoram laga southernmost Lawngtlai district te logai ase.
Myanmar laga Arakan area pora refugees khan bolai kena Lawngtlai district te khusi se kile koile Arakan rebels aro Myanmarese Army laga majote larai howa nimite aro refugees laga akhiri group toh jowa Saturday te ponchise, official pora koise.
200 nisina refugees khan jowa saal September pora etiya tak Mizoram te mon dukh korikena ase, larai aro olaibo koikena bhoi pora Myanmar te wapas jabole maana kori ase.
Add Comment