Tripura: Pradyot Debbarma para BJP khan ke challenge kure she

Agartala, March 15, 2026: Tipra Motha Party laga founder Pradyot Kishore Manikya Debbarma para Saturday te ruling BJP khan ke challenge kure she, tai koi she ki, tai laga party toh contest kure bo, aro harai de bo sob 28 seats te, aha Tripura Tribal Areas Autonomous District Council (TTAADC) elections te. Motor Stand te manu ahea kena thakea khan koi she ki, Trpra Motha laga warriors khan ready ase BJP khan karne, sob constituency te. Tai koi she ki, Chief Minister para district council laga sob 28 seats karne contest kure bo, hoile be tai khan karne ekta problem thake bo, Tipra Motha laga warriors khan  be sob 28 seats karne contest kure bo, aro tai khan ke harai de bo koi she. Debbarma para state laga political mamla toh beshe bea ase etia koi she, tai koi she ki parties khan toh religious divisions khan te he sa ase, Tiprasa community khan laga duk toh nasai kena. Tai koi she ki, tai khan Hindu aro Christian laga khale khota kure thakea, aro kumbe duk pa manu aro Tirprasa laga future opor te khota nakurea.