New Delhi, 16 March : Academy Awards Los Angeles te Sunday rati hold hoise ceremony pora India te kunba viewer khan disappointed hoise, karon Bollywood legend Dharmendra aru Manoj Kumar live broadcast laga extended In Memoriam segment te dekhainai. Kintu pichete duijon icon ke Academy of Motion Picture Arts and Sciences laga official website te tribute list te include kori dise.
Ceremony sesh hua kunba ghonta pora, manu khan notice kori ki bishi Indian film icon khan Academy laga website te In Memoriam page te mention kori ase.
Dharmendra aru Manoj Kumar laga photo khan anya global cinema veteran khan logot list te ahise — kitia industry te tai laga legacy aru contribution ke remember kori ase. Manoj Kumar ke Indian cinema te tai laga significant contribution karne bisi celebrate kori thake.
Veteran actress B. Saroja Devi bhi itu section te include hoise. Tai 200 pora besi Tamil, Kannada, Telugu aru Hindi film te kaam kori thakise, aru Kannada cinema laga first female superstar kuina bhi jana jai. “Abhinaya Saraswati” kuina popular thaka itu last year July te Bengaluru laga Malleswaram te tai laga residence te 87 saal umor te expire hoise.
Veteran Telugu actor aru former politician Kota Srinivasa Rao ke bhi tribute te remember kori ase. Tai July 13, 2025 te 83 saal umor te pass away hoise.
List te Hollywood actor khan majot James Van Der Beek aru Eric Dane nisina naam khan bhi thakise. Motamuti 300 pora besi actor, director, producer aru screenwriter khan — kitia past ek saal te film duniya harai dise — sob ke itu tribute te remember kori ase.
Add Comment