New Delhi, 17 March : India te Kanye West live perform kora sob fans khan aru wait kori thakibo lagibo. Tai laga debut concert India te hoboloi ase kuina sob expect kori thakise, kintu organisers khan date ke almost dui mahina pichhe loi jai dise, tai event postpone hoise.
December 2025 te prepare kora Ernst & Young (EY) report te Diljit Dosanjh laga Dil-Luminati Tour laga socio-economic impact dikhai dise ki, 14 shows te mila ke 3.2 lakh manu live attend kori se. Tai almost half (49%) manu tier-2 aru tier-3 cities pora ahise. Tour ketia popular ase, etu pora bujhi pai ki 38% attendees dusra cities pora travel kori ahise concert sab attend koribole. Tatey beshi half manu nijor trip ke 5 din extend kori dise, juntu tourism aru hospitality sector te bisi boost di dise.
EY report koise ki, etu tour, ekta biggest Indian artist tour majot ek, total ₹943 crore revenue generate kori se. Itia ₹221 crore ticket sales pora ahise, aru ₹33 crore sponsorship pora. Government loi ₹114 crore tax revenue generate hoise, juntu ₹111 crore GST aru dusra taxes, aru ₹2.5 crore pora besi local permissions fees pora ahise.
Kintu sabse bisi impact ase ₹553 crore indirect revenue, juntu tourism, hospitality, travel, shopping, self-care, food aru beverage, aru dusra khorcha pora attendees khan generate kori dise.
Dil-Luminati Tour te Diljit Dosanjh India, US, Canada, Europe aru Middle East bhitor 2024 te travel kori perform kori se. Global level te tour $137 million direct revenue generate kori se. India part te 14 shows ase 13 cities te, juntu Delhi, Jaipur, Hyderabad, Ahmedabad, Lucknow, Pune, Kolkata, Bengaluru, Indore, Chandigarh aru Guwahati te perform kori se. India laga sob shows age pora sold out hoijai thakise.
Add Comment