March 24, 2026, 5:22 PM: Nagaland Government para itu District School aru System Leaders Professional Learning Community launch kurishey, ekta significant step mark kuri kena, itu State laga education system majbut kuriboley karney, collaborative leadership aru institutional reform para, de Oriental Grand, Kohima tey, 14th March, 2026 tey.
Itu programme tey kotha kuri kena, School Education aru SCERT nimitey Advisor – Dr. Kekhrielhoulie Yhome para highlight kurishey ki, ekta robust education system itu teenta piller khan opor tey khara asey – school leadership, curriculum, aru administration tey. Tai para itu foundation khan reinforce kuriboley lagi thaka laga stress kurishey, bishi challenges address kuri kena – infrastructure gap khan, connectivity issue khan, human resources khan shortage thaka laga, aru logistical aru systematic barrier khan nishina laga, kuntu toh hoiley ground tey implement kuria tey affect kuri thaki asey continue. Itu Advisor para public confidence rebuild kuriboley laga importance opor tey stress kurishey, tai para emphasize kurishey ki, government school khan revitalize kuria toh hoiley ekta priority thaki kena asey. Tai para optimism thaka laga express kurishey, ki, eneka nishina initiative khan, professional learning community nishina toh hoiley itu public laga education system tey trust restore kuribo aru ekta aru bhi accountable aru responsible framework banabo. Itu advisor para itu bhi inform kurishey ki, ekta baseline survey 249 school khan cover kuri kena, itu State bhitor tey, undertake kuria laga asey, ekta itu School Quality Assessment aru Accreditation Framework (SQAAF) laga pilot logotey, itya thaki thaka condition khan modod kuriboley, aru future intervention khan guide kuriboley.
Add Comment