Imphal, March 27, 2026: March 25 aru 26 din te. Manipur Police khan bishi districts khan te operation kurishe koishe. Yete taikhan para militants ke arrest kurishe duijun ke. Aru drugs khan bi paishe koishe.
Yete March 26 din te. Police khan para RPF/PLA laga member ke durishe. Tai toh Seram Chingloiba Meitwei (27) ase koishe. Taike tai nijor laga ghor para durishe. Etu toh Imphal East District laga Khurai Angom Maning Leikai te ase. Aru etu laga eki din te. Security khan para alak RPF/PLA member ke arrest kurishe. Tai toh Naorem Johnson Singh (40) ase koishe. Tai toh Kakching Wairi Thongam Leikai para durishe. Tai toh manu khan ke damki dikina poisa mangi thakhishe koishe. Yete tai laga haat para Mobile phone paishe. Aru alak operation toh March 25 din te kurishe. Yete Security Forces khan para KNF laga member kebi durishe. Tai toh Jamtinlen Kaokip ase koishe. Tai laga haat para 9 mm pistol aru Magazine paishe.
Aru alak operation te duita manu ke arrest kurishe koishe. Taikhan toh Kasimthai Rongmai (32) ase. Tai toh Noney District laga Luangchung Part-1 para ase. Aru alak wala toh Gaikhuluanlung Ruangmei (46) ase koishe.Tai toh Khongshang para ase. Aru tai duijun ke Bishnupur District laga Meitram para durishe. Yete tai duijun laga haat para Heroin No.4 laga 150 sabun daba paishe. Etu toh 1.7 kg ase. Aru 5 mobile bi paishe koishe.
Add Comment