Lausanne, March 27, 2026: Transgender maiki (mota kun maiki hoi jai), etu khan ke Olympics te khele bole nade bo koi she, nutun IOC policy olai ja piche Thursday te. Kunto U.S. President Donald Trump laga executive order neshe na ase maiki khan laga sports karne, 2028 Los Angeles Games naha ahge.
International Olympic Committee para koi she ki ki, maiki khan laga category te, sob Olympic event aro IOC laga event khan karne toh, khali biological maiki khan khale khele bole pare bo. Aro etu khan toh sob SRY gene testing kure bo koi she.
Etia tuk toh naja nea kiman ta transgender maiki khan Olympic level te khelea ase. 2024 Paris summer Games te toh ekta be transgender maiki khele nai koi she. IOC para koi she ki nutun policy kunto LA Olympics 2028 te chola bole ase, etu toh maiki khan laga category toh safe aro integrity rukhe bole karne ase.
Executive board khan ekta meeting lo piche te, International Olympic Committee para dosta page policy document publish kure she. Etu nutun policy te two time Olympic champion runner Caster Semenya neshe na khan ke khele bole nade bo, enia DSD neshe na bemar thakea.
Add Comment