AMRITSAR: Pulwama attanki hamla pichete. India toh Pakistan opor para ‘Most Favoured Nation’ laga status toh hatai dishe. Etu nimite India-Pakistan laga Attari border jaga khan te businesses khan affect hoi kena ase.
Traders khan para news agency ANI ke koishe ke Indian importers aro manufacturers khan para samnay desh Pakistan laga sob orders khan cancel kuri dishe. Aro advance payments toh wapas kuribole koi ase.
Amritsar laga trader Sukhbir Singh koishe February 14 pichete Pakistan logote sob trade kura toh rukhai dishe. Etiya samay te saman bhuki kena thaka 200 para 250 trucks toh border te rukhai kena ase. Etu toh governmentpara non-essential Indian imports te 200 percent Regulatory Duty laga nimite ase.
Amritsar laga trader Sukhbir Singh koishe government laga etu kadam nimite traders tai khan laga moina laga tires aro trucks laga installments toh poisa dibole ekdam dikdar pai ase. Centre toh tai khan laga etu decision toh dubara bhabibole lage koishe. Etu kadam nimite border osor te thaka khana (food) outlets khan bhi affect hoi kena ase.
1996 te India para Pakistan ke ‘Most Favoured Nation’ laga status toh dishe. Etu status toh international trade partner ke de. Etu toh sob World Trade Organization khan logote partner desh khan ke non-discriminatory trade ensure kurioble nimite de.
Add Comment