Manipur: Char ta NSC Eastern Flank cadres ke morai de she Kamjong te

Imphal, March 29, 2026: National Socialist Council of Nagalim laga Easern Flank laga charta mmeber ke morai de she, Hongbei bosti te, rati te hamla kurea te, kunto Manipur laga Kamjong district te ase. Hamla toh Saturday laga 9:20 pm phane hoi she, murea khan toh Imphal-Kasom Khullen rasta te para jai thake she koi she. Kumba sources khan laga hesab te, manu kumba para lo kai kena hamla kure she tai khan laga opor te, tai khan Hongbei bosti punchea homoi. Tai khan gare laga betor te buhea homoi hamla kure she. Gari laga betor te choi jun thake she, dua jun toh pola bole pare she, alak char jun toh jaga te para he mure jai she. Murea khan laga nam toh Captain Sochipem, tai toh Marao bosti te para ase, Sergeant Zairei tai toh halang bosti te para ase, Corporal Bahnlei tai toh Easern Nagaland te para ase aro Corporal Thansomi tai toh mapao bosti te para ase koi she.