Kohima District Monitor Kuria Laga Committee Para LPG Distribution Agency Khan Inspect Kurishey

March 29, 2026: Itu Kohima District Monitoring Committee, regulation aru monitor kuriboley nimitey, LPG aru alag petroleum product khan laga, aru hoarding, black-marketing aru overpricing rukhaboley nimitey, LPG distribution agency khan aru outlet khan laga inspection conduct kurishey, Kohima District bhitor tey, 28^th March, 2026 tey. Itu inspection team tey toh hoiley – itu District Administration, Kohima Police, Food & Civil Supplies Department, Kohima Municipal Council aru Legal Metrology thaki kena. Itu inspection laga homoi tey, itu toh hoiley observe kurishey ki, sob LPG distribution agency khan toh strict para itu latest guideline khan hisap chuli asey, itu Food & Civil Supplies Department para issue kuria laga. Eku hoarding, black-marketng nahoilebi overpricing khan itya tak detect kuria nai, eku itu distribute kuria outlet khan tey. Itu LPG laga supply kuria itu district tey toh hoiley normal aru thik-thak thaka laga report kurishey. Itu laga regard tey, itu Deputy Commissioner, Kohima, B Henok Buchem, NCS para itu general public khan ke mon-aram rakhiboley koishey aru eku misa mishi laga kotha khan huni kena bhui nakuriboley koishey. Itu public ke aru bhi koi kena janaishey ki, eneka nishina laga misa-kotha khan toh spread nakuriboley eku verify nakuri kena. Aru judi kunba manu khan itu distributor khan nahoilebi LPG laga hoard kuria laga dikhishey koiley, sob para osor laga Police Station nahoilebi itu District Administration tey report kuriboley koishey, lagi thaka action loboley nimitey.