Tripura: SPO Jawan toh bike accident para murishe Gandacherra te

Agartala, April 2, 2026: SPO Jawan toh Gandacherra laga Hospital te treatment loi kinabi murishe koishe. Etu toh tai bike para accident hoa pichete ase koishe. Tai laga bike toh sida mini Bus gari ke marishe koishe. Aru Jawan laga sathi bi pichete buhi thakhishe. Taibi bia para jokhum hoi kina ase koishe. Aru taikebi Gandacherra Subdivisional Hospital te thakhishe koishe.
Aru Police khan laga khobor hisab te. Ajendra Tripura (31) toh Police Court te posting ase koishe. Aru tai toh Gandacherra town para ahi thakhishe koishe. Tai laga bike para. Tai aru tai laga sathi Shyam Kumar Tripura. Etu toh 9:00 phuzur phane thakhishe. Aru bike toh Ajendra para chulai thakhishe. Aru sida mini bus ke mari dishe koishe.
Etu toh Narayanpur aru Gandacherra town laga rasta majote ase koishe. Etu bus toh bishi speed para ahi thakhishe koishe. Aru Ajendra toh rasta para phat hati bole parea nai koishe. Aru sida mari dishe. Tai laga sathi toh bike para urai dishe. Tai duijun bi bia para jokhum hoishe. Aru hospital te loijaishe tai duijun kebi. Hoilebi Doctor para koishe ki, Ajendra toh muri jaishe. Yete para pura Gandacherra Town te thakhea manu sob ke munduk kuri dishe koishe.