2009 Pora Assam Te 75 Rohingya Muslims Ke Thurise: Himanta Biswa

GUWAHATI | February 23: Assam te Citizenship (Amendment) Bill 2016 logote khilaf koriya ke anti-India laga harkat ase koikena bodnam korikena, state Finance Minister Himanta Biswa Sarma pora Friday te koise ki 2009 pora loikena Assam te 75 Rohingya Muslims ke thurise, aro etu bi koise ki state te etu Rohingiyas khan ke morom koriya khan besi olai ase.
“Moi khan pora paise ki etu manu khan ke bhat aro buhibole jakka dikena morom koriya khan laga ekdum systematic network ase. Assam te sobse pohoila Rohingya Muslim toh February 22, 2009 te Guwahati laga Paltan Bazar bus stand te paise aro aalag ekta toh May 15, 2010 te paise,” tai pora koise.
“Etu manu khan thuriya toh besi bhag demographic podli howa districts khan te dekhise. Assam laga 14 nisina districts te etu demographic podli howa toh dekhise,” etu Minister pora koise.
Sarma pora koise ki etu morom koriya manu khan toh etu khilaf koriya laga moka othai ase.
Tai pora koise ki government pora police ke bosti khan te Rohingyas ase na nai sabole koise. Border police khan ke bi saavdhan kori dise, tai pora koise.
Etu minister pora koise ki state police pora 15 jun manu khan ke thurise aro Pulwama adangwati hamla bicchete social media te India logot khilaf aro Pakistan logot monjur post lekhiya nimite 19 cases register korise.
(IANS)