London, 8 April : Ye, kun ke agey te Kanye West kuina jani thakise, taikeUnited Kingdom jabo permission deny kori dise. Tai Wireless Festival te July mahina te headline koribo plan thakise, kintu tai laga past antisemitic comments karone government taike block kori dise.
Ye Monday din Electronic Travel Authorisation karone apply kori thakise, kintu officials taike reject kori dise. Etu karone festival organisers khan pura three-day event cancel kori dise aru ticket kina manu khan ke refund dibo kuina koi dise.
Keir Starmer nijor statement te koise ki Ye ke Wireless te invite nakoribo. Tai koise government Jewish community logot firmly thik ase aru antisemitism logot loraai jari thakibo.
Ye koi dise ki tai London ahibole main aim hoise ekta positive change dikhabole, music joriyai unity, peace aru love anibo. Tai UK te Jewish community logot face-to-face meet korina kotha pati, nijor mistake bujhibo aru sudhar koribo icha dikhaise.
Wireless Festival bhi confirm kori dise ki UK Home Office Ye laga ETA withdraw kori dise, tai entry deny hoise aru festival cancel kori dise. Taikhan koise ki booking age te sob stakeholders logot consult kori thakise aru eku concern utha nai.
Ye age te Jewish community logot Hebrew bhasa te apology bhi kori dise, kuntu te tai koi dise ki tai laga kotha karone jodi kunba manu hurt hoise koile tai itu karone tai sincerely regret kore aru agey te nijor behaviour improve kori unity promote koribo try koribo.
Add Comment