New Delhi, 8 April : Rapper-singer Badshah, kun laga asal naam Aditya Prateek Singh Sisodia, tai laga notun gaana Tateeree release pora controversy uthise. Backlash barhi thaka pora, tai apology di dise aru gaana tu sob platform pora remove kori dise. March mahina te National Commission for Women (NCW) bhi Badshah aru Tateeree team ke summon kori thakise obscenity aru vulgarity laga issue karone.
Latest khobor hisaab te, Badshah NCW logot apology di dise aru women empowerment karone kaam koribo kuina promise kori dise, economically weaker section laga 50 suali porha khorcha uthabo kuina bhi ase.
Tai NCW samne appear kori thakise, juntu case commission nijor pora loise. Hearing te directors Joban Sandhu aru Mahavir Singh, aru producer Hiten bhi thakise. Hearing tu Vijaya Rahatkar lead kori thakise, aru tai koise ki gaana laga lyrics aru presentation, maiki manu laga dignity aru decency hurt kori dise. Tai itu upor deep concern dikhai dise aru agey te eneka incident nakoribo ensure koribo kuina direct kori dise.
Sob manu khan unconditional written apology submit kori dise aru society te juntu nuksan hoise, itu karone regret dikhai dise.
Badshah bhi koise ki tai women aru society upliftment karone kaam koribo aru 4 mahina bhitor women empowerment upor ekta positive gaana banabo. Tai aru confirm kori dise ki 50 economically weak background laga suali porha khorcha tai uthabo. Commission koise ki sob manu agey te eneka kaam nakoribo kuina assure kori dise.
Add Comment