Spain, 8 April : Indian shooters Palak Gulia aru Mukesh Nelavalli, ISSF World Cup te Granada bhitor 10m air pistol mixed team event te gold medal jitise aru notun junior world record bhi set kori dise.
Duita milaina final te 487.7 points score kori dise, juntu purana record (481.3) ke break kori dise—iturecord age te Nigina Saidkulova aru Mukhammad Kamalov Asian Shooting Championships te New Delhi bhitor set kori thakise. Palak 243.0 score kori dise aru Mukesh—juntu first time senior level te khelise—244.7 score kori dise. Etu Mukesh laga first medal ase ISSF World Cup te.
Qualification round te bhi duita bhal performance dikhai dise, 581-17x score kori second position te finish kori medal match te uthise. China silver (484.8) jiti dise, aru Hungary bronze (414.9) loi dise.
18 saal laga Palak age te bhi Asian Games 2023 te individual gold aru team silver jiti thakise, aru record bhi set kori Paris Olympics 2024 karone quota hasil kori thakise. Mukesh bhi Indian pistol shooting te ekta rising star ase aru junior world champion bhi ase.
Add Comment