April 8, 2026: Itu Bacha khan laga Rights laga Protection nimitey Nagaland State Commission para itu District Child Protection Unit logotey collaborate kuri kena, ekta ek-din laga awareness programme organize kurishey, “Child Rights & Child Protection” opor tey, VDB Hall, Zunheboto tey para, April 8th, 2026 tey.
Itu programme toh hoiley, ekta series laga session khan pichetey loa laga thakishey, key child protection issue khan aru legal framework khan opor tey focus kuri kena.
Childline Coordinator, Pollen Yepthomi para itu programme moderate kurishey. Itu keynote address deliver kuri kena, NSCPCR Chairman, Alun Hangsing para itu history aru evolution highlight kurishey, child right khan laga, tai khan laga importance stress kuri kena, nation-build kuria tey. Tai para state kurishey ki, bacha khan toh hoiley itu nation laga backbone asey, aru tai para aru bhi majbut laga groundwork thakiboley koishey, tai khan laga protection aru development ensure kuriboley karney.
Tai para aru bhi sob stakeholder khan ke urge kursihey, child rights toh serious para loboley karney, especially itya laga present technological era tey, kotey positive aru negative influence duita bhi aram para accessible hobo paribo, itu internet para.
Tai para husiyar janaishey ki, ajikali laga modern age tey, itu negative influence khan hoboley laga toh significant para bari jaishey, awareness aru vigilance thakiboley laga aru bhi crucial banai di kena.
Add Comment