UNNAO: Sunday te former Uttar Pradesh Chief Minister aro Samajwadi Party leader Akhilesh Yadav koishe ke borders safeguard kuribole nimite judi government toh lamba-term laga strategy bana nai koile toh India toh Pakistan ke harabole naparibo. Unnao te Akhilesh Yadev toh Ajit Kumar laga family ke lok kurishe. Ajit Kumar toh CRPF jawan thakishe. Tai toh February 14 Pulwama te huwa attanki hamla te murishe.
Akhilesh Yadev ke huda samay te kile opposition leaders khan central government khan logote ekta hoikena khara thakibole kuwa pichete bhi government khilaf te ugli (finger) dekhai ase.
Mr Yadav koishe opposition toh centre logote ekta hoi kena khara ase hoile bhi ami khan etu napahuribole lag eke China toh Pakistan logote khara ase. Ami khan feel kuri ase ke government toh borders safeguard kuri rakhibole nimite lamba-term stategy lagi ase.
Mr Yadav para Saudi Crown Prince Mohammed Bin Salman para India te visit kura opor te bhi kotha kurishe. Tai koishe media te dekha hesab te Crown Prince toh poila Pakistan te jaishe aro tai khan ke modot kurishe. Etu pichete he tai India te ahishe aro Prime Minister Narendra Modi ke hug kurishe. Etu pichete tai China te jaishe. Agi kali laga samay te samnay desh khan laga role toh matter kure.
Samajwadi Party leader para central government ke koishe ke Pulwama te CRPF murija khan laga sob families khan ke Rs. 1 crore dibole koishe.
Tai koishe government khan para jawans khan kay ke promise kurishe etu toh pura kuribole lage koishe. Bishi state governments toh families khan ke Rs. 1 crore dishe. Uttar Pradesh aro central government bhi etu genika he kuribole lage koishe.
Add Comment