Nagaland Governor, Nand Kishore Yadav Para Phek Visit Kurishey

April 15, 2026, 10:35 PM: Nagaland Governor, Nand Kishore Yadav para Phek district visit kurishey, 15th April, 2026 tey, aru interactive session conduct kurishey, Civil Society Organization khan logotey, Phekl aga aru alag alag government department khan logotey meeting review kurishey, DC laga Conference Hall, Phek tey para.
Tai laga address tey, itu civic reception program loishey, DC laga conference hall, Phek tey para, Governor para tai laga sincere gratitude express kurishey, itu district administration, community leader khan, civil society organization khan aru Phek laga manu khan logotey, itu warmed reception aru bhal para hospitality dikhawa nimitey.
Itu Governor para tai laga address tey, itu rich culture, tradition khan arum on chuwa laga reflection opor tey kotha kurishey, itu Phek laga manu khan laga. Tai para itu bhi state kurishey ki, tai toh hoiley eke logotey kaam kuriboley commit thaki kena asey, sob section laga society- public representative khan, tribal body khan, civil society organization khan aru itu administration logotey, ekta shanti laga, developed aru inclusive society banaboley, itu state tey. Tai para itu bhi state kurishey ki, tai laga visit toh hoiley itu developmental need khan aru itu district laga aspiration khan bujiboley karney nahoi, hoilebi cooperation aru collective responsibility laga spirit ke majbut kuriboley karney bhi asey.
Pichey phaney Governor para ekta review meeting bhi conduct kurishey, alag alag department khan logotey, itu district laga. Itu Health & Family Welfare, School Education aru Rural Development laga Department para tai khan laga chuli thaka activity khan, scheme khan aru achievement khan highlight kurishey, tai khan laga respective department khan laga, itu district tey, PowerPoint presentation khan through para, itu review meeting tey.