Singer D4vd ke dhuri shey teenage maiki ke mura laka suspicion opor te

United State, 17 April 2026: US Singer D4vd ke dhuri shey ekta teenage maiki ke mura laka suspicion opor te kun last saal missing hoi jaishey, police pra koishey. TikTok star, kun laka legal nam David Anthony Burke ase, tai toh grand jury laka thaki shey investigation te apparent murder opor te Celeste Rivas Hernandez laka, kun laka remains paishey taila tesla te September te. Los Angeles Police Department pra koishey Thursday din te ki 21 saal ke dhuri kina ase bail nathaki kina aro case toh present kuribo District Attorney Office ke Monday din te.
Singer toh virtually silent thaki shey case te hoileh b taila representatives pra previously koishey tai toh authorities lokot cooperate kuri ase koina. BBC pra tai laka representatives ke contact kuri shey arrest opor te. Police pra Thursday din te koishey taikhan Burke ke dhuri shey Celeste Rivas laka murder karne. Questions jama hoi ase 8 September pra 14 saal laka remains pai kina.