BHUJ: Police source koishe jua kali Pakistani drone toh Gujarat laga Kutch International Border para mari geraishe.
Kutch laga Nanghatad bosti osor te drone nohoile bhi dusra aerial gari laga tukra khan paishe.
Bosti manu khan para koishe ke tai khan ekdam fusur te dangor awas hunishe. Aro olop samay pichete spot te drone laga tukra khan paishe koishe.
Police official para confirm kurishe ke etu ghatna toh hoishe koishe. Aro etiya ami khan etu matter opor te investigation kuri ase.
Official para etu opor te aro bishi kotha kuribole mana kurishe.
Tuesday din te government koishe etu ghatna toh India para tai khan laga Line of Control te “non-military, pre-emptive air strikes” kuri thaka ek din pichete hoishe. India para etu kaam toh Pakistan-te thaka attanki group Jaish-e-Mohammed ke target kuri maribole kosis kuri ase.Jaish-e Mohammed toh Pulwama attanki hamla pichete desh te aro bishi hamla kuribole plan kuri ase.
Foreign Secretary koishe attankwadi, trainers, senior commanders aro jihadis group khan laga dangor number kun attanki hamla kuribole kosis kuri thakishe. Etu khan ke toh khotom kuri dishe.
Add Comment