AIZAWL, February 26: Ministry of Home Affairs pora Assam Rifles ke tai khan laga battalion headquarters toh state capital Aizawl pora Zokhawsang area te May 31 laga aagete loi jabole karne aadesh dise, ekjun official pora Monday te koise.
MHA pora diya official order te Assam Rifles authorities ke battalion headquarters loi jowa laga khobor bi ministry ke dibole koise, etu official pora koise.
Assam Rifles battalion headquarters toh etiya Aizawl city laga Treasury and Zodin square te ase.
Zokhawsang area toh Aizawl pora 15 km doori nisina ase.
Assam Rifles sepahi khan pora 1988 te 12 civilians mor nimite, etu samoy te chief minister Laldenga pora loikena Mizo National Front (MNF) government pora Assam Rifles battalion headquarters toh Aizawl city laga majote pora hataidibole demand korise.
Assam Rifles battalion headquarters nimite basic infrastructure toh Zokhawsang area te bonai loise aro etu central paramilitary force toh Aizawl city laga majote pora Zokhawsang te loi jabo karne aadesh dise, officials pora koise.
Mizoram logote etiya MNF government ase, tate Chief Minister Zoramthanga ase.
Add Comment