Guwahati. 23 April : North East Rising Cup 2026 te, Tripura aru Mizoram Wednesday din duita alag venue te win hasil korisey.
ACA Cricket Academy te, Tripura Meghalaya ke 8 wicket pora harai dise. Meghalaya 23 over te 75 run te all out hoise, jikhane Aviana Myrthong 35 run korisey. Tripura karone Purba Chowdhury 4/5 logot bhal bowling korise, aru Hrishita Sutradhar 2/20 loise.
Reply te, Tripura 14.3 over te 76/2 bonai comfortable win loise, Sayantika Sutradhar laga unbeaten 40 run logot. Meghalaya karone Onasa M. Sangma 2/13 loise.
Dusra match te Judges Field, Mizoram Sikkim ke 14 run pora narrowly harai dise. Mizoram 35 over te 118/5 score korise, kitia Remruati PC 54 run korise aru Christina Lalbeisei unbeaten 12 te thakise. Sikkim karone Shristi Gurung aru Samten Tamang duijon 2 wicket kore loise.
Reply te, Sikkim 26.2 over te 104 te all out hoise, jodio Kushi Chettri fighting 50 run korise. Remruati PC abar bowling te bhi shine korisey 3/21 logot, aru Rakil Malsawmzuali 2/15 logot support korise.
Add Comment