April 24, 2026: Under Birth Registration-Based Aadhaar Enrolment Initiative, itu District Economics & Statistics Office, Mon para IT Equipment khan distribute kurishey, 24th April, 2026 tey, DC laga Conference Hall, Mon tey para.
Economics & Statistics, Nagaland laga Additional Director – Charles Kikon para koishey ki, IT equipment laga distribute kuria toh hoiley grassroot digital registration system majbut kuriboley karney asey, ekta aru bhi juldi laga aru bhi accurate kaam hoboley diboley aru pura online process toh bhal hoboley, vital statistics nimitey. Tai para koishey Mon district tey 33 IT set khan di kena asey, aru tai para itu sob concerned official khan aru staff ke urge kurishey, itu resources laga best use kuriboley.
ADC, Mon – Pakon Phom para address kuria homoi tey koishey ki, Birth aru Death Certificate toh hoiley ekta important Legal Documents asey, kotey moi khan laga sob detail khan toh mentioned thaki kena asey, aru itu toh hoiley moi khan laga right asey, itu certificate paboley karney toh.
SDO Civil, Nchumthung Ezung para koishey, ki, IT equipment laga Distribution kuria toh hoiley ekta important step hisap mark kurishey, moi khan laga Civil Registration laga system majbut kuriboley karney.
Birth & Deaths, DESO office, Mon laga incharge – Wangmoi Konyak, IOS para itu District tey Digitization laga status khata para samjhaishey. Tai para state kurishey ki, tatey toh hoiley 154 Registration unit khan thaki kena asey, Mon tey, kuntu bhitor tey, 98 Bosti khan toh active para online registration kuri asey, Birth & Death laga, 2605 notun bacha jonom kuria laga register kurishey, 2671 Purana birth Certificate digitize kurishey aru 51 Manu kuria laga register kurishey.
Add Comment