Agencies: Police koishe Uttar Pradesh, Noida te rishwat aro extortion laga charges te ekta police inspector aro teenta journalists ke arrests kurishe.
Senior Superintendent of Police (SSP) Vaibhav Krishna koishe Manoj Kumar Pant, Sector 20 police station laga SHO aro journalists Sushil Pandit, Udit Goyal aro Raman Thakur ke jua kali din agote arrests kurishe.
Vaibhav Krishna koishe Sector 20 police station te charjon ke Rs. 8 lakh rishwat loi thaka red-handed dhurishe.
Krishna koishe Tai khan call center laga malik ke poisa extort kuri thakishe. Etu toh November 2018 te FIR register hoi kena thaka naam toh hatabole nimite thakishe.
Krishna koishe ekta journalists laga hath para Mercedes gari bhi seize kurishe. Khobor hesab te etu gari toh kunba criminal kaam te cholai kena thakibo pae koishe.
Tai koishe ekta 32 bore pistol toh dusra journalists logote para paishe.
District police chief koishe etu charta arrests huwa manu khan para pura-puri Rs. 8 lakh poisa durishe.
Officer koishe etu sob majote Sector 20 police station laga additional SHO Jaiveer Singh ke etu case te meli kena thaka nimite kaam para suspend kuri dishe.
Add Comment