Press conference thaki shey Nepex te

Nagaland, 30 April 2026: Ekta state level mock drill thaki shey earthquake aro extreme weather disaster opor te organized kura Nagaland State disaster management authority pra. Home Department aro District disaster management agency khan collaboration te National Disaster management agency lokot, ministry of home affairs thaki shey 30 April 2026 te. Press conference time te, mock drill hoi kina, Home commissioner, Abhijit Sinha, IAS pra koishey ki mock drill toh test ase efficiency check kuribo leh departments laka aro public laka disaster manage kuribo leh state te. Drill toh thaki shey awareness banabo leh, management improve kuribo leh, hiki kina bujibo leh actual scenario major earthquake laka aro extreme weather disaster aro kina handle kuribo.
Lead consultant (ME aro IRS), NDMA, Maj. Gen. Sudhir Bahl pra sop departments ke compliment kuri shey aro agencies khan ke involved thaka hisa lwa enthusiasm lokot. Tai pra koishey ki disaster toh kicha toh 100 percent managed kuribo naparibo hoileh b hotai improved kuribo pareh. Tai kunba jaka nam loishey kun toh bishi important ase disaster te, aro etu ase communication. Etu nimite, tai appealed kuri shey telecom department aro alak service providers khan ke coordinate aro kam kuribo leh team hoina. Tai khota b kuri shey safety opor te petrol pumps laka, substantial fire safety materials dibo leh. School safety toh alak important area ase kute maximum exercise toh kuribo lageh.