Febraury 28: Assam te ekdum biya daru laga hatsa howa ekta laga investigation toh juli ase, tate khobor paise ki sob part laga representatives laga ekta team toh aji Golaghat te zeheri daru laga hatsa pora Jorhat aro Golaghat district te 160 pora opor manu moriya laga case ke investigate koribole jabo koise. Etu team toh etu mamla ke investigater koribo nimite Chief Minister Sarbananda Sonowal pora junise.
Etu samoy te, khobor te koise ki Upper Assam Commissioner, Julie Sonowal toh Golaghat laga Circuit House te bhujur 10:00 am pora shuru korikena public khan logote kotha paati ase koikena. Etu kotha paatiya toh 3:00 pm saam tak thakise aro aalag-aalag organisations aro hatsa logpowa ghor manu khan bi etu kotha paatiya te, Commissioner logote tai khan laga kotha register koribole ahibo paribo koise.
Hatsa logpowa 472 jun manu ke Thursday pora phat JMCH te loikena jaise, etu majote 347 jun ke hospital te rakhise.
Sobse biya somy toh bar hoise phabana ase hoilebi hospital pora bahar ola manu khan ke bhal pora soku rukhibole olai kile koile tai khan toh daru khowa laga aadat ase, doctors khan pora koise.
“Etiya notun manu khan toh ahiya nai. Moi khan pora konoba khan ke toh olai dise etiya tak. Konoba khan ke moi khan etiya treatment diye ase hoilebi kono manu khan ke olaise, tai khan ke ghor te pora bhal pora sabo laage kile koile tai khan wapas daru khowa shuru koribole pariye. Etu nisina hatsa aro tweibar naolaibo karne besi kam koribole laage,” ekjun doctor pora koise.
Add Comment