Tashkent, 7 May : Asian Boxing U15 & U17 Championships 2026 te India laga young boxers khan massive performance dikhaise, aru U-15 category te possible 30 medals pora 27 medals already confirm kori dise. U-15 girls contingent 15 pora 14 medals secure korishe, aru U-15 boys bhi 15 pora 13 medals confirm kori historic achievement usor pabo lage ase.
India laga boys team aru ekdin dominant performance dikhaise, specially bisi RSC wins logot. Sastha Vasanth Ashok Kumar (37kg) aru Parshant (49kg) duijon UAE opponents ke first round te RSC pora harai dise. Nitin (40kg) aru Harshvardhan Jeena (55kg) bhi second round RSC victories loi India laga attacking strength dikhaise.
Close fights te, Yash Kumar (33kg) aru Rohit Pothina (35kg) tactical boxing use kori hard-fought 4:1 split decision wins loi ase Tajikistan aru Mongolia opponents upor.
Technical superiority bhi clear dekha jai thakise. Samir Bohra (43kg) Thailand opponent ke 5:0 te outclass korishe, aru Nongpoknganba Meitei Oina (46kg) Mongolia boxer upor convincing 5:0 victory loi ase. Mohd Yasser (58kg) bhi Kazakhstan opponent ke 5:0 te harai impressive performance dishe.
Earlier bouts te bhi India strong thakise. Nongpoknganba Kazakhstan laga Abdurakhman Vushanlo ke 5:0 te harai dise, aru Parshant bhi Bakdaulet Akhmet upor dominant 5:0 win loishe. Mohd Yasser Kyrgyzstan opponent ke first round RSC te stop korishe, aru Nivesh Pal (54kg) Kazakhstan boxer ke 5:0 te defeat korishe. Ranveer (66kg) walkover victory pora next round te jai dise.
Dusra side te, Lilmani Singh Lukram (61kg) Uzbekistan opponent logot third round RSC te harise, aru Mehul Rana (70kg) Kazakhstan boxer logot opening round te RSC loss face korishe.
Overall, India laga contingent etiya championships te grassroots Asian boxing upor nijor dominance clearly establish kori dise.
Add Comment